ട്വന്റി20യെ പരാജയപ്പെടുത്താൻ കിഴക്കമ്പലത്ത് വൈരം മറന്നു രാഷ്ട്രീയപാർട്ടികൾ ഒന്നിക്കുന്നു
കിഴക്കമ്പലം ട്വന്റി20 ജനകീയ കൂട്ടായ്മ സമീപ പഞ്ചായത്തുകളിലേക്കും വ്യാപിപ്പിക്കുന്നു. മഴുവന്നൂർ ഐക്കരനാട് പഞ്ചായത്തുകളിൽ മുഴുവന്‍ സീറ്റുകളിലും മല്‍സരിക്കുമെന്ന് ട്വന്റി 20 പ്രഖ്യാപിച്ചു കഴിഞ്ഞു. ട്വന്റി ട്വന്റി നടത്തിയ സര്‍വേയില്‍ ഇരുപഞ്ചായത്തിലെയും 95 ശതമാനത്തിലധികം ആളുകള്‍ ട്വന്റി20യുമായി ചേര്ന്ന് പ്രവര്‍ത്തിക്കാന്‍ താല്‍പര്യം പ്രകടിപ്പിച്ചതായി ചീഫ് കോര്‍ഡിനേറ്റര്‍ സാബു എം.ജേക്കബ് പറഞ്ഞു. ട്വന്റി 20യ്ക്ക് വോട്ട് അഭ്യര്‍ഥിച്ചു കൊണ്ടുള്ള പോസ്റ്ററുകള്‍ രണ്ടു പഞ്ചായത്തുകളിലും പതിച്ചിട്ടുണ്ട്. കിഴക്കമ്പലം പഞ്ചായത്തില്‍ സ്ഥാനാർഥികളെ പ്രഖ്യാപിച്ച് പ്രചാരണവും തുടങ്ങിക്കഴിഞ്ഞു.
ഇപ്പോൾ ഐക്കരനാട്ടിൽ എല്‍.ഡി.എഫും മഴുവന്നൂർ, കുന്നത്തുനാട് പഞ്ചായത്തുകളിൽ യു.ഡി.എഫുമാണ് ഭരിക്കുന്നത്. രണ്ടിടത്തും മുഴുവന്‍ വാര്‍ഡുകളിലും ഇത്തവണ ട്വന്റി 20 സ്ഥാനാര്‍ഥികളെ നിര്‍ത്തും. കഴിഞ്ഞ തവണ കിഴക്കമ്പലം പഞ്ചായത്തിൽ ആകെയുള്ള പത്തൊമ്പത് വാര്‍ഡില്‍ പതിനേഴിലും ജയിച്ചത് ട്വന്റി 20 ആണ് .
വെങ്ങോല, കുന്നത്തുനാട് പഞ്ചായത്തുകളിലും മല്‍സരിക്കാൻ ഉദ്ദേശ്യമുണ്ടെന്നു ട്വന്റി ട്വന്റി ഭാരവാഹികൾ പറഞ്ഞു. ഈ കാര്യത്തിൽ ഉടന്‍ തീരുമാനം ഉണ്ടാകും. തിരഞ്ഞെടുത്ത വാര്‍ഡുകളില്‍ മല്‍സരിക്കാനാണ് ആലോചന. കുന്നത്തുനാട്ടില്‍ ട്വൻറി20യുടെ ചിന്നമായ മാങ്ങയെ പരിചയപ്പെടുത്തി പോസ്റ്ററുകള്‍ ഒട്ടിച്ചിട്ടുണ്ട്.
അതേസമയം ട്വന്റിട്വന്റിയെ നേരിടാൻ പതിനെട്ടടവും പുറത്തിറക്കി മൂന്നുമുന്നണികളും രംഗത്തുണ്ട് .
ഒറ്റയ്ക്കുനിന്നാൽ കെട്ടിവയ്ക്കുന്ന കാശുപോലും കിട്ടില്ലെന്ന സാഹചര്യം മനസിലാക്കി പരസ്പരം കൈകോർത്തു മത്സരിക്കാനാണ് മൂന്ന് മുന്നണികളുടെയും നീക്കം. ബി ജെപിയുമായി പരസ്യബന്ധം സ്ഥാപിക്കില്ലെങ്കിലും രഹസ്യധാരണയിൽ പോകാനാണ് സി പി എമ്മും കോൺഗ്രസും ആലോചിക്കുന്നത് . ഇക്കാര്യത്തിൽ ബി ജെ പിക്കും എതിർപ്പില്ലെന്നാണ് കേൾക്കുന്നത്. ഇത്തവണയും കൂടി പരാജയപ്പെട്ടാൽ ഇനി ഒരിക്കലും ഒരു ഉയിർത്തെഴുന്നേൽപ്പ് ഉണ്ടാവില്ല എന്ന തിരിച്ചറിവാണ് ആദർശവും പ്രത്യയശാസ്ത്രവും ദൂരെ എറിഞ്ഞു ഒന്നിക്കാൻ രാഷ്ട്രീയപാർട്ടികളെ പ്രേരിപ്പിക്കുന്നത്. ഇതോടെ കോൺഗ്രസിന്റെയും സി പി എമ്മിന്റെയും പരിതാപകരമായ അവസ്ഥയാണ് കിഴക്കമ്പലത്ത് കാണാൻ പോകുന്നത് എന്ന് ട്വന്റി20 പരിഹസിക്കുന്നു .
ട്വന്റി20 ജനങ്ങളുടെ അടിസ്ഥാന ആവശ്യങ്ങൾ നടപ്പാക്കിയിട്ടിലെന്നാണ് എൽഡിഎഫും യുഡിഎഫും ആരോപിക്കുന്നത്. അതുകൊണ്ട് ഇത്തവണ കിഴക്കമ്പലത്ത് ട്വന്റി20 തകർന്നടിയണമെന്നും ഇവർ ആളുകളോട് പറയുന്നു. സി പി എം ലഘുലേഖ വിതരണവും ഭവനസന്ദര്‍ശനവും തുടങ്ങി. കോൺഗ്രസും ട്വന്റി20ക്കെതിരെ വ്യാപക പ്രചാരണം തുടങ്ങിക്കഴിഞ്ഞു .
തങ്ങൾ ഇപ്പോൾ തന്നെ ജയിച്ചു എന്നതിന്റെ സൂചനയാണ് ട്വന്റി 20 യെ തോൽപ്പിക്കാൻ ബദ്ധശത്രുക്കളായ സി പി എമ്മും കോൺഗ്രസും ഒന്നിച്ചു നില്ക്കാൻ ആലോചിക്കുന്നതെന്നു ട്വന്റി 20 നേതാവ് സാബു ജേക്കബ് പറഞ്ഞു. കഴിഞ്ഞ തിരഞ്ഞെടുപ്പിനേക്കാൾ മികച്ച ഭൂരിപക്ഷത്തിൽ ഇവിടെ ജയിക്കാൻ കഴിയുമെന്നാണ് വിശ്വാസം. ഇതു പോലുള്ള ജനകീയ കൂട്ടായ്മകൾ കേരളത്തിൽ എല്ലായിടത്തും ഉയർന്നുവരണമെന്നും സാബു പറഞ്ഞു.
പൊതുജനത്തിന്റെ പണം രാഷ്ട്രീയക്കാരുടെ കീശയിലേക്കു പോകാതെ പൊതുജനങ്ങളുടെ ക്ഷേമത്തിനായി വിനിയോഗിക്കപ്പെടണമെങ്കിൽ രാഷ്ട്രീയ നീരാളികളെ അകറ്റി നിറുത്തേണ്ട സമയം അതിക്രമിച്ചിരിക്കുന്നു എന്നാണ് കിഴക്കമ്പലം ട്വന്റി20 കൂട്ടായ്മ നമ്മെ പഠിപ്പിക്കുന്ന പാഠം. ഇത് മറ്റു ജില്ലകളിലേക്കും വ്യാപിച്ചാൽ രാഷ്ട്രീയക്കാർ ജനങ്ങളുടെ മുൻപിൽ കൈകൂപ്പി നിൽക്കുമെന്നും പൊതുസമൂഹം വിശ്വസിക്കുന്നു . പല സ്ഥലത്തും ജനങ്ങൾ സംഘടിക്കാൻ തുടങ്ങിയിട്ടുണ്ട്.
Read Also ഇതൊക്കെ കണ്ടതുകൊണ്ടാണ് ഇവിടുത്തെ ജനങ്ങൾ രാഷ്ടീയക്കാരെ എടുത്ത് പൊട്ടക്കിണറ്റിൽ എറിഞ്ഞത്
Read Also ” വീട് ചോർന്നൊലിച്ചിട്ടു ടാർപായ വലിച്ചുകെട്ടിയാണ് ഞങ്ങൾ കഴിഞ്ഞിരുന്നത്
Read Also അനിയന്‍ സിഐ ; ചേട്ടൻ എഎസ്‌ഐ. ചെങ്ങമനാട് പൊലീസ് സ്‌റ്റേഷന്‍ ഇനി സഹോദരന്മാർ നിയന്ത്രിക്കും.
Read Also ദീപിക പത്രം ജോസ് കെ. മാണിയെ അവഗണിച്ചു ജോസഫിനെ പിന്തുണയ്ക്കുന്നതായി പരാതി
Read Also എല്ലാവരും പറയുന്നു എന്റെ മതമാണ് ശരി. അത് മാത്രമാണ് മോക്ഷമാര്‍ഗം. അതാണോ വസ്തുത ?
Read Also നൂറിന്റെ നിറവിൽ നന്മകളുടെ ചിരിതൂകി പാലായിലെ ഭാസ്കരൻ കർത്താ
Read Also ഒരു ദുരന്തത്തെ ഒഴിവാക്കാൻ നിനക്ക് സാധിക്കുമോ ? അതാ പ്രവചനം
Read Also ”ഈ മാർക്സിസ്റ്റ് വനിതകളുണ്ടല്ലോ അവർക്കൊരു പ്രത്യേക ഒരിതാ”
Read Also ”എന്റെ മോനാണച്ചോ ഇതെല്ലാം നിർമ്മിച്ചത് ” നാലാം ക്ലാസ്സുകാരനെ ചേർത്തു നിര്‍ത്തി ആ പിതാവ്..
Read Also ”ഒരുനാൾ സാബു തൂപ്പുകാരനിൽ നിന്ന് അധ്യാപകനിലേക്ക് ഉയരുമ്പോൾ ഈ സങ്കടമെല്ലാം
Read Also ”ഇന്ന് ടീച്ചറിന് എന്റെ അമ്മയുടെ മണമാണ് !”
Read Also രുചിയേറും പൊപൗലു ചിപ്‌സ് ഉണ്ടാക്കാൻ നേന്ത്രനേക്കാൾ കേമൻ
Read Also ലോകത്തിലെ ഏറ്റവും ഉയരം കൂടിയ തുളസിച്ചെടി ഏഴിക്കരയിൽ.
Read Also വിഭവങ്ങളുടെ ധാരാളിത്തം കൊണ്ട് അനുഗ്രഹീതമായ നാടാണ് കേരളം .
