പൈനാപ്പിൾ കഴിച്ചാൽ ഗർഭം അലസിപ്പോകുമോ? ഗർഭിണികൾ അറിഞ്ഞിരിക്കേണ്ടത് ഇതെല്ലാം..

ഗർഭധാരണ പരിശോധനയിൽ സ്ത്രീ ഗർഭിണി ആണെന്ന് കണ്ടാൽ ദമ്പതികളുടെ അടുത്ത ചോദ്യം ഇനി എന്തൊക്കെയാണ് ശ്രദ്ധിക്കേണ്ടത് എന്നാണ്. എനിക്ക് ഇനി ജോലിക്ക് പോകാൻ പറ്റുമോ, ബസ്സിൽ യാത്രചെയ്യാൻ പറ്റുമോ, കാറിൽ പോകാൻ പറ്റുമോ, ട്രെയിനിൽ പോകാൻ പറ്റുമോ എന്നൊക്കെ ചോദിക്കുന്ന സ്ത്രീകളുണ്ട്. സാധാരണ ചെയ്തുകൊണ്ടിരുന്ന എല്ലാ ജോലികളും തുടർന്നും ചെയ്യാം.

ഒരു ദിവസം എന്നെ കാണാൻ ഒരു സ്ത്രീ വന്നു. വിവാഹം കഴിഞ്ഞിട്ട് രണ്ടു മാസമേ ആയിട്ടുള്ളൂ. അവർ ഗർഭിണിയാണ്. വിദേശത്തേക്ക് പോകാൻ അവർ എല്ലാ കാര്യങ്ങളും റെഡിയാക്കി വച്ചിരിക്കുമ്പോഴാണ് ഗർഭിണി ആണെന്ന് അറിയുന്നത്. അടുത്ത ദിവസം അവിടെ ചെന്ന് ജോയിൻ ചെയ്യണം. പ്രെഗ്നൻസി ടെസ്റ്റ് പോസിറ്റീവ് ആയതുകൊണ്ട് ഈ സമയത്തു തനിക്ക് പോകാമോ എന്നാണ് അവരുടെ സംശയം. തീർച്ചയായിട്ടും പോകാം. ഗർഭിണികൾ വിദേശത്തുനിന്നു ഇങ്ങോട്ട് വരുന്നില്ലേ? അതുപോലെ ഇവിടെനിന്ന്‌ അങ്ങോട്ടും പോകാം.

Also Read ഗർഭപാത്രത്തിലെ ഫൈബ്രോയിഡും അതുണ്ടാക്കുന്ന ആരോഗ്യ പ്രശ്നങ്ങളും പരിഹാരമാർഗ്ഗങ്ങളും:

ഗർഭിണികൾക്കുള്ള മറ്റൊരു സംശയം അമ്മമാർ കുങ്കുമപ്പൂ കഴിച്ചാൽ കുഞ്ഞിന് വെളുത്ത നിറം കിട്ടുമോ എന്നാണ്. ഇത് വെറും അബദ്ധധാരണയാണ്. കുഞ്ഞുങ്ങൾക്ക് നിറം ഉണ്ടാകുന്നത് മാതാപിതാക്കളുടെ നിറത്തിന് അനുസരിച്ച് ആയിരിക്കും.  അതൊരു പാരമ്പര്യഗുണമാണ്. കുങ്കുമപ്പൂ കഴിച്ചാൽ കുഞ്ഞിന് വെളുത്ത നിറം കിട്ടുമെന്ന് ഇതുവരെ ലോകത്ത് ഒരിടത്തും ശാസ്ത്രീയമായി തെളിയിക്കപ്പെട്ടിട്ടില്ല.

ഫലോപ്പിയൻ ട്യൂബിൽ  ഫെർട്ടിലൈസേഷൻ നടക്കുന്ന സമയത്തുതന്നെ കുഞ്ഞിന്റെ ജനറ്റിക് ആയിട്ടുള്ള എല്ലാ കാര്യങ്ങളും തീരുമാനിക്കപ്പെട്ടു കഴിഞ്ഞു. കുഞ്ഞ് ആണോ പെണ്ണോ, അതിന്റെ ഉയരം എത്ര, ബ്ലഡ് ഗ്രൂപ്പ് ഏത്, നിറം എന്ത് തുടങ്ങി എല്ലാം അപ്പോൾ തീരുമാനിക്കപ്പെട്ടു കഴിഞ്ഞു.

Also Read ഭാര്യക്കും മക്കൾക്കും വേണ്ടി കഷ്ടപ്പെട്ട് ഉണ്ടാക്കുന്ന പണം ഇങ്ങനെയാണ് ഡോക്ടറുടെ കയ്യിൽ എത്തുന്നത്

അഞ്ചാം മാസത്തിൽ സ്കാൻ ചെയ്യുമ്പോൾ ചിലർ ചോദിക്കാറുണ്ട് ഡോക്ടറെ കുഞ്ഞ് ആൺകുട്ടി ആണോ പെൺകുട്ടി ആണോ എന്ന്. സാധാരണ ഡോക്ടർമാർ അത് വെളിപ്പെടുത്താറില്ല. കുഞ്ഞിന്റെ ഹാർട്ട് ബീറ്റ് എത്രയെന്നാണ് സ്കാൻ റിപ്പോർട്ടിൽ എഴുതിയിരിക്കുന്നത് എന്ന് ചിലർ ചോദിക്കും. ഹാർട്ട് ബീറ്റ് അറിഞ്ഞാൽ കുഞ്ഞു ആണാണോ പെണ്ണാണോ എന്ന് തിരിച്ചറിയാം എന്ന ധാരണ ചിലർക്കുണ്ടെന്നു തോന്നുന്നു. അത് അബദ്ധധാരണയാണ്.

കുഞ്ഞ് ആണായാലും പെണ്ണായാലും മനുഷ്യകുഞ്ഞല്ലേ? അതിനെ വേർതിരിച്ച് കാണേണ്ടതില്ല. ദൈവം തരുന്ന കുഞ്ഞുങ്ങളെ നമ്മൾ ദൈവത്തിന്റെ കരങ്ങളിൽ നിന്ന് സന്തോഷത്തോടു കൂടി സ്വീകരിക്കണം. ഗർഭിണിയാണെന്ന് അറിഞ്ഞു കഴിഞ്ഞാൽ നമ്മൾ ദൈവത്തിന് നന്ദി പറയണം. ഗർഭസ്ഥശിശുവിനെ ദൈവത്തിന്റെ കരങ്ങളിലേക്ക് സമർപ്പിച്ചു പ്രാർത്ഥിക്കണം. ഡോക്ടർമാർക്ക് തരാൻ അവരുടെ പക്കൽ മരുന്നുകളേ ഉള്ളൂ. സംരക്ഷണം തരാൻ ദൈവത്തിന് മാത്രമേ സാധിക്കുകയുള്ളൂ എന്നോർക്കുക .

Also Read തടികൂടിയാൽ ‘പീരിയഡ്’ പാളും!

ബൈബിളിൽ സങ്കീർത്തനം 91 കുഞ്ഞിന്റെ സംരക്ഷണത്തിനുവേണ്ടിയുള്ള പ്രാർത്ഥനയാണ്. അതുപോലെ തന്നെ മറ്റൊരു വചനമാണ് ഏശയ്യ 65- 23. അതിൽ പറയുന്നത് ഇങ്ങനെയാണ്: ”അവരുടെ അധ്വാനം വൃഥാ ആകില്ല. അവർക്ക് ജനിക്കുന്ന ശിശുക്കൾ അത്യാഹിതത്തിന് ഇട ആവുകയില്ല. അവർ കർത്താവിനാൽ അനുഗ്രഹിക്കപ്പെട്ട സന്തതികൾ ആയിരിക്കും. അവരുടെ സന്തതികളും അവരോടൊപ്പം അനുഗൃഹീതരാകും.”
 
ഗർഭിണിയാണ് എന്ന് അറിഞ്ഞാൽ ഉടൻ തന്നെ ബെഡ് റെസ്റ്റ് ആവശ്യമില്ല. സാധാരണ നിങ്ങൾ എന്തൊക്കെ ജോലികൾ ചെയ്തു കൊണ്ടിരിക്കുന്നുവോ ആ ജോലികളൊക്കെ തുടർന്നും ചെയ്യാം. വലിയ കുടുക്കമുണ്ടാക്കുന്ന യാത്രകളും മറ്റും ആദ്യത്തെ മൂന്നു മാസങ്ങളിൽ ഒഴിവാക്കുന്നന്നതാണ് നല്ലത്.

Also Read പ്രസവാനന്തരം കൂടുതൽ വെള്ളം കുടിച്ചാൽ വയർ ചാടുമോ?

ഗർഭിണികളുടെ മറ്റൊരു ചോദ്യമാണ് പപ്പായ കഴിക്കാമോ, പൈനാപ്പിൾ കഴിക്കാമോ, ഈന്തപ്പഴം കഴിക്കാമോ എന്നൊക്കെ. മോഡേൺ വൈദ്യശാസ്ത്രം അനുസരിച്ച് ഇതു മൂന്നും കഴിക്കുന്നതുകൊണ്ട് കുഞ്ഞിനോ അമ്മയ്‌ക്കോ യാതൊരു കുഴപ്പവുമുണ്ടാവില്ല. അതിന്റെ ഫലമായി ഒരിക്കലും ഗർഭം അലസി പോകില്ല. ആയുസ്സും ആരോഗ്യവും ദൈവത്തിന്റെ തീരുമാനമാണ് എന്നോർക്കുക.

ഗർഭികൾക്ക് ആദ്യത്തെ മാസങ്ങളിൽ ശർദ്ദി ഉണ്ടാവുക സ്വാഭാവികം ആണ്. ചിലർക്ക് നല്ല ക്ഷീണം ഉണ്ടാവും. ചിലർക്ക് അടിവയറ്റിൽ വേദന ഉണ്ടാവും. മറ്റുചിലർക്ക് നടുവേദന ഉണ്ടാവും. എന്താണ് അതിന്റെ കാരണം എന്നറിയാമോ? ഗർഭപാത്രത്തിൽ ഭ്രൂണം പറ്റിപ്പിടിച്ചു കഴിഞ്ഞാൽ  അണ്ഡാശയത്തിൽനിന്നു പ്രൊജസ്ട്രോൺ എന്ന ഹോർമോൺ വരാൻ തുടങ്ങും. ഈ ഹോർമോൺ പേശികളെ ഇളതാക്കുന്നതാണ്. ഇത് ഗർഭപാത്രത്തെ റിലാക്സ്ഡ് ആക്കും. എങ്കിലേ കുഞ്ഞിന് സുഖമായിട്ട് ഗർഭപാത്രത്തിൽ വളർന്നു വലുതായി വരാൻ പറ്റുകയുള്ളൂ.

Also Read പ്രസവവേദന എപ്പോൾ തുടങ്ങും? എങ്ങനെയാണ് തിരിച്ചറിയുക?

ഗർഭപാത്രം റിലാക്സ്ഡ് ആകുന്നതോടൊപ്പം അമ്മയുടെ കുടലിലെ പേശികളും റിലാക്സ്ഡ് ആകും. അപ്പോൾ കുടലിൽ ഗ്യാസ് നിറയും. അതോടൊപ്പം ശരീരത്തിലെ പേശികളും റിലാക്സ്ഡ് ആകും. അപ്പോൾ പഴയതു പോലെ ഓടിനടക്കാൻ പറ്റാതാകും. പെട്ടെന്ന് ക്ഷീണം വരും. അടിവയറ്റിൽ വേദന, നടുവേദന ഒക്കെ ഉണ്ടാവും. ഇതൊക്കെ സാധാരണയായിട്ടുള്ള ആയിട്ടുള്ള കാര്യങ്ങളാണ് .

ചിലർക്ക് ചെറിയൊരു നടുവേദന അല്ലെങ്കിൽ അടിവയറ്റിൽ വേദന വരുമ്പോൾ ടെൻഷനാണ്. ഗർഭം അലസിപോവാൻ  സാധ്യതയുണ്ടോ എന്നാണ് ആശങ്ക. അങ്ങനെ ആശങ്കപ്പെടേണ്ടതില്ല. എന്നാൽ ഒരു കാര്യം പ്രത്യേകം ശ്രദ്ധിക്കണം. ആദ്യത്തെ മാസങ്ങളിൽ ബ്ലീഡിങ് ഉണ്ടെങ്കിൽ തീർച്ചയായും ഡോക്ടറെ കാണണം ഡോക്ടർ സ്കാൻ ചെയ്തു നോക്കും. ഗർഭപാത്രത്തിനുള്ളിൽ ബ്ലഡ് ക്ളോട്ട് കണ്ടാൽ നിർബന്ധമായും കുറഞ്ഞത് രണ്ടാഴ്ച എങ്കിലും റസ്റ്റ് എടുക്കാൻ ഡോക്ടർ നിർദേശിക്കും.

പ്രശസ്ത ഗൈനക്കോളജിസ്റ്റ് ഡോ.ഫിന്റോ ഫ്രാന്‍സിസ് ഗർഭിണികൾക്കായി നടത്തുന്ന ഈ പ്രഭാഷണം കേൾക്കുക. വീഡിയോ കാണുക

Also Read കുഞ്ഞുങ്ങളുടെ ആരോഗ്യം നഷ്ടപ്പെടുത്തി കുറെ ഡോളർ ഉണ്ടാക്കിയിട്ട് എന്തുകാര്യം?

Also Read പ്രസവത്തിനു മുമ്പ് സ്ലിം ആയിരുന്നവൾ പ്രസവരക്ഷ കഴിഞ്ഞു വീപ്പക്കുറ്റി പോലെ

Also Read പ്രകൃതിചികിത്സയിലൂടെ ഫാറ്റിലിവറിനെ പഴയപടിയിലേക്ക് തിരികെ കൊണ്ടുവരാം

About The Author