ഏഴിക്കര കടക്കര സ്വദേശി വടക്കേടത്ത് അനിൽകുമാറിന്റെ വീട്ടുമുറ്റത്ത് അസാമാന്യ ഉയരത്തിൽ വളർന്നു നിൽക്കുന്ന തുളസിച്ചെടി ആരെയും അത്ഭുതപ്പെടുത്തുന്നതാണ്. ലോക റെക്കോർഡിനെ മറികടന്ന് വളരുകയാണ് ഈ തുളസിച്ചെടി.
ലോകത്ത് ഏറ്റവും ഉയരമുള്ള തുളസി ചെടിയായി (The tallest Basil plant) ഗിന്നസ് ബുക്കിൽ രേഖപ്പെടുത്തിയിരിക്കുന്നത് അനസ്റ്റാസിയ ഗ്രിഗോറക്കി (Anastasia Grigoraki) എന്ന ഗ്രീക്കുകാരന്റെ തുളസി ചെടിയാണ് . 334 സെന്റീമീറ്ററാണ് ആണ് ഇതിന്റ ഉയരം. ഇതിനേക്കാൾ ആറ് സെന്റിമീറ്റർ കൂടുതലാണ് അനിൽ കുമാറിന്റെ വീട്ടുമുറ്റത്ത് നിൽക്കുന്ന രാമത്തുളസിയുടെ ഉയരം . ഇതിന്റെ ഇപ്പോഴത്തെ ഉയരം 340 cm ആണ് .നാലുവർഷത്തെ വളർച്ചയിലാണ് ഇത്രയും പൊക്കം വച്ചതെന്ന് അനിൽകുമാർ പറഞ്ഞു .
ലോക റെക്കോർഡിനെ മറികടന്ന ഈ തുളസി ചെടിയെക്കുറിച്ച് ഗിന്നസ് ബുക്ക് അധികൃതരെ അറിയിക്കാനുള്ള ശ്രമത്തിലാണ് അനിൽ കുമാർ . (വീഡിയോ കാണുക)
വീഡിയോ കാണാം . വിവരണം : ഏഴിക്കര ജയകുമാർRead Also “അടുത്ത വർഷം വോട്ടു ചോദിക്കാൻ ഈ വഴിവരുമല്ലോ, അല്ലേ ?”
About The Author
