തൊടുപുഴ: തൊടുപുഴയിൽ നിന്ന് 14 കിലോമീറ്റർ ദൂരെ വണ്ടമറ്റം എന്ന സ്ഥലത്ത് ബേബി വര്‍ഗീസ് എന്ന നീന്തൽ താരം വീടിനോട് ചേര്‍ന്ന്‌ നിര്‍മ്മിച്ചിരിക്കുന്ന നീന്തൽക്കുളം ആരെയും ആകർഷിക്കുന്നതാണ് . സ്വന്തം സ്ഥലത്ത് 10 ലക്ഷം രൂപ മുടക്കി 25 മീറ്റർ നീളമുള്ള നീന്തൽകുളമാണ് ബേബി നിർമ്മിച്ചത് .വണ്ടമറ്റം അക്വാട്ടിക്‌ സെന്റർ എന്ന് പേരിട്ടിരിക്കുന്ന ഈ നീന്തൽ കുളത്തിൽ ആയിരക്കണക്കിന് കുട്ടികളും മുതിര്‍ന്നവരും പരിശീലനം നേടികഴിഞ്ഞു . നിരവധി ചലച്ചിത്ര താരങ്ങളും ഇവിടെ വന്നു നീന്തൽ പഠിച്ചു പോയിട്ടുണ്ട് .
നീന്തലിൽ നിരവധി മെഡലുകൾ കരസ്ഥമാക്കിയ ബേബി വർഗീസാണ് ഇതിന്റെ ഉടമയും മുഖ്യ പരിശീലകനും. രാവിലെയും വൈകുന്നേരങ്ങളിലും അവധി ദിവസങ്ങളിലും പരിശീലനത്തിന്‌ സൗകര്യമുണ്ട്‌. ജില്ലയിലെ വിവിധ നീന്തല്‍ മത്സരങ്ങൾ ഇവിടെ ആണ്‌ നടത്തുന്നത്. തന്റെ നീന്തൽകുളത്തിൽ പരിശീലനം നേടിയ ഒരാളെങ്കിലും ഏഷ്യൻ മത്സരത്തിൽ സുവർണ്ണമെഡൽ നേടുമെന്ന പ്രതീക്ഷയിലാണ് ബേബി .
വണ്ടമറ്റം അക്വാറ്റിക് സെന്ററിനോടനുബന്ധിച്ച് നിർമ്മിച്ച കിഡ്സ് സ്വിമ്മിംഗ് പൂൾ 2019 ൽ പൂർത്തിയായി. ഇടുക്കിജില്ലാ അക്വാറ്റിക് അസോസിയേഷന്റെ അവധിക്കാല നീന്തൽപരിശീലന ക്ലാസ്സുകൾ ഇവിടെയാണ് നടത്തുന്നത്. കുട്ടികൾക്ക് നീന്തലിന്റെ പ്രാധാന്യം പകർന്നുനൽകുകയും ബോധവത്ക്കരണം നടത്തുകയും ചെയ്യുന്നതോടൊപ്പം നീന്തലിന്റെ ബാലപാഠങ്ങൾ പഠിപ്പിച്ചു മുഖ്യധാരയിലേയ്ക്ക് കൊണ്ടുവരുവാൻ കിഡ്സ് പൂൾ ഉപകരിക്കും. നീന്തല്‍ വശമില്ലാത്തതു മൂലം അപകടങ്ങള്‍ വര്‍ദ്ധിച്ചു വരുന്ന സാഹചര്യത്തില്‍ വിവിധ സ്‌കൂളുകളില്‍ നിന്നും കുട്ടികളെ ഇവിടെ പരിശീലനത്തിന്‌ കൊണ്ടു വരാറുമുണ്ട് . വെള്ളത്തിൽ വീണുണ്ടാകുന്ന അപകടമരണങ്ങൾ ഒഴിവാക്കുക പ്രധാന ലക്ഷ്യമാണ്.
വ്യായാമം എന്ന നിലയില്‍ നീന്തല്‍ പ്രയോജനപ്പെടുന്നതാണ്‌ മുതിര്‍ന്നവരെ ഇവിടേക്ക്‌ ആകര്‍ഷിക്കുന്നത്‌. നീന്തലിനോടുള്ള താല്‍പര്യം കൊണ്ടും കൂടുതല്‍ നീന്തല്‍ താരങ്ങളെ കണ്ടെത്തുക എന്ന ഉദ്ദേശ്യത്തോടെയുമാണ് സ്വന്തമായി നീന്തല്‍ കുളം നിര്‍മ്മിക്കാന്‍ തീരുമാനിച്ചതെന്ന് ബേബി പറഞ്ഞു.
സംസ്ഥാന സിവില്‍ സര്‍വീസ് നീന്തല്‍ മത്സരത്തില്‍ കാൽനൂറ്റാണ്ടുകാലം തുടർച്ചയായി ബേബി വര്‍ഗീസ് ചാമ്പ്യന്‍ ആയിരുന്നു . പഞ്ചായത്ത് വകുപ്പില്‍ ജോലിചെയ്യുന്ന ബേബി നീന്തലിൽ നൂറുകണക്കിന് മെഡലുകൾ നേടിയിട്ടുണ്ട് . നല്ലൊരു സംഗീതജ്ഞൻ കൂടിയാണ് ബേബി. ബേബിയുടെ ഫോൺ നമ്പർ 94472 23674
നീന്തൽ പഠിക്കാൻ തൊടുപുഴയിൽ ഒരു സ്വകാര്യ നീന്തൽക്കുളം! വീഡിയോ കാണുകAbout The Author
