കല്യാണം കഴിഞ്ഞ് ഒന്നാം വർഷം ഭാര്യ പറഞ്ഞുകൊണ്ട് കിടക്കും. ഭർത്താവ് കേട്ടുകൊണ്ട് കിടക്കും. രണ്ടാം വർഷം ഭർത്താവ് പറഞ്ഞുകൊണ്ട് കിടക്കും. ഭാര്യ കേട്ടുകൊണ്ട് കിടക്കും. മൂന്നാം വർഷം ഭാര്യയും ഭർത്താവും പറഞ്ഞുകൊണ്ട് കിടക്കും. നാട്ടുകാര് കേട്ടുകൊണ്ട് കിടക്കും. വീര്യം പോയി ലഹരി പോയി .
ചില വീടുകളിൽ ഭാര്യയും ഭർത്താവും തമ്മിൽ എന്നും വഴക്കല്ലേ? ദാമ്പത്യസ്നേഹത്തിന്റെ വീര്യവും ശൗര്യവും ചോർന്നു പോയതുകൊണ്ടാണ് അത്. ആദ്യകാലത്തെ വീര്യവും ലഹരിയും പോയാൽ പിന്നെ നമ്മൾ ചെയ്യുന്നതെല്ലാം യാന്ത്രികമായിരിക്കും. ശാരീരികബന്ധം പോലും യാന്ത്രികമായിരിക്കും. ഈ ഘട്ടത്തിലാണ് ദമ്പതികളിൽ അസ്വാരസ്യങ്ങൾ ഉടലെടുക്കുന്നത്. മാനസികമായ അകൽച്ച ഉണ്ടാകുന്നത്. കുടുംബബന്ധങ്ങളിൽ വിള്ളൽ ഉണ്ടാകുന്നത്. ഭാര്യയും ഭർത്താവും തമ്മിൽ വഴക്ക് ഉണ്ടാകുന്നത്. തുടർന്ന് അത് ഡൈവോഴ്‌സിലേക്ക് വഴിതെളിക്കുന്നത്.
ഒരിക്കൽ ഒരാൾ ബാർബർ ഷോപ്പിൽ ചെന്ന് പറഞ്ഞു : ”ബാർബർ എന്റെ മുടിയൊന്നു വെട്ടണം”
ബാർബർ ചോദിച്ചു: ” എങ്ങനെ വെട്ടണം? മഷ്‌റൂം കട്ടിങ്ങാണോ? അംബ്രല്ല കട്ടിങ്ങാണോ? അതോ പറ്റെ വെട്ടണോ?”
അയാൾ പറഞ്ഞു : ”എങ്ങനെ വെട്ടിയാലും വേണ്ടില്ല. ഭാര്യക്ക് പിടിക്കാൻ നീളം കിട്ടരുത് ”
കുടുംബജീവിതത്തിൽ മാത്രമല്ല, പൗരോഹിത്യത്തിലും വീര്യവും ലഹരിയും നഷ്ടമാകാറുണ്ട് . പട്ടം കിട്ടിയ നാളുകളിൽ പുത്തൻ അച്ചന്മാർ കുർബാന അർപ്പിക്കുന്നതു കണ്ടാൽ തോന്നും ആ കക്ഷിയാണ് വിശദ്ധകുർബാന സ്ഥാപിച്ചതെന്ന്. നീട്ടി, കുറുക്കി, പരത്തി, ഏങ്ങലടിച്ച് … എന്തൊരു ഭക്തിയാണ്! പുത്തൻ അച്ചന്മാർ ആശീർവാദം കൊടുക്കുന്നത് കണ്ടാൽ കുരിശിന്റെ നീളം പരലോകം മുതൽ പാതാളം വരെയാണ് എന്ന് തോന്നിപ്പോകും. പത്തു പതിനഞ്ചു വർഷം കഴിഞ്ഞു ഇതേ അച്ചൻ ആശീർവാദം കൊടുക്കുന്നത് കണ്ടാൽ തോന്നും പൂച്ച മണ്ണു മാന്തുകയാണെന്ന്. വീര്യം പോയി ലഹരിപോയി.
ദാമ്പത്യ ജീവിതത്തിലും പൗരോഹിത്യജീവിതത്തിലും വീര്യവും ലഹരിയും പോയാൽ പിന്നെ കർമ്മങ്ങൾ വെറും യന്ത്രികമാണ്. ജീവിതം ബോറാണ്.
കാപ്പിപ്പൊടിയച്ചൻ എന്ന അപരനാമത്തിൽ അറിയപ്പെടുന്ന ഫാ ജോസഫ് പുത്തൻപുരക്കലിന്റെ ഈ നർമ്മപ്രഭാഷണം ഒന്ന് കേൾക്കൂ. വീഡിയോ കാണുക.
Read Also ഒരു ദേവാലയത്തിൽ കണ്ണീരിന്റെ പണം കൊണ്ട് ആകാശത്തു പൂത്തിരി കത്തിക്കുമ്പോൾ
Read Also ചില വീടുകൾ ബ്യൂട്ടി പാർലറുകളാണ് !
Read Also പെണ്ണുങ്ങൾക്ക് ഷേക് ഹാൻഡ് കൊടുത്താൽ മേഡേൺ ബ്രെഡിന് ഷേക്ക് ഹാൻഡ് കൊടുക്കുന്നതുപോലെയാ !
Read Also രണ്ടു വഴിയിലൂടെ ഭർത്താവിനെ വരച്ചവരയിൽ നിറുത്താനുള്ള കൃപ പെണ്ണുങ്ങൾക്ക് ദൈവം കൊടുത്തിട്ടുണ്ട്
Read Also കല്യാണത്തിലേക്കു കടക്കുന്ന യുവതിയും യുവാവും രണ്ടുവാക്കുകളാണ് പൊതുവേ ഉപയോഗിക്കുന്നത് .
Read Also ഭർത്താവിന്റെ സ്നേഹം പിടിച്ചുപറ്റാൻ ഭാര്യ പ്രയോഗിച്ച സൂത്രം പാളിപ്പോയ കഥ!
Read Also ഒരു മഴയും തോരാതിരുന്നിട്ടില്ല.. ഒരു കാറ്റും അടങ്ങാതിരുന്നിട്ടില്ല
Read Also “നീ അലറി വിളിച്ചപ്പോൾ അവര് വന്നില്ലേൽ കാണായിരുന്നു. ചങ്ങാടം പോലെ ഒഴുകി നടന്നേനെ..
Read Also നാടൻ കൂണുകളിൽ രുചിയിൽ കേമൻ പാവക്കൂൺ
Read Also സർക്കാർ ജീവനക്കാർക്ക് അച്ചാദിൻ.
Read Also എല്ലാവരും പറയുന്നു എന്റെ മതമാണ് ശരി.
About The Author
