കോവിഡ് ശ്വാസകോശത്തെ ബാധിക്കുന്ന അസുഖമായതിനാല്‍ ശ്വസനവ്യായാമങ്ങള്‍ ചെയ്യുന്നത് നല്ലതാണ്. ശ്വസനവ്യായാമത്തിലൂടെ ശ്വാസകോശത്തിന്റെ ശേഷി വർധിപ്പിച്ചു ശ്വാസകോശത്തെ ആരോഗ്യമുള്ളതാക്കി കൊറോണയുടെ കടന്നുകയറ്റത്തെ ഒരു പരിധിവരെ നമുക്ക് പ്രതിരോധിക്കാം. അഞ്ചുദിവസത്തെ ശ്വസന വ്യായാമത്തിലൂടെ ഡോ. ഡാനിഷ് സലിം നേരിട്ട് മനസിലാക്കിയ കാര്യങ്ങൾ നിങ്ങളുമായി പങ്കുവയ്ക്കുന്നു .
ശ്വസന നിയന്ത്രണം, ഡയഫ്രമാറ്റിക് ബെല്ലി മെത്തേഡ് എന്നീ രണ്ടു വ്യായാമങ്ങളാണ് ഉള്ളത് .
ഒന്നാം ഘട്ടം ശ്വാസകോശത്തെ ഈ വ്യയാമത്തിനായി സജ്ജമാക്കുക എന്നതാണ്. അടുത്തഘട്ടം ശ്വസനവ്യായാമത്തിലൂടെ ശ്വാസകോശത്തിന്റെ ശേഷി വർധിപ്പിക്കുകയും ശ്വാസകോശഅറകളിൽ ഉള്ള കഫത്തെ പുറത്തുകളയുകകയും ചെയ്യുക എന്നതാണ് .
തോളുകള്‍ തളര്‍ത്തിയിട്ട് കസേരയിൽ ശാന്തനായി ഇരിക്കുക. വായ അടച്ച് പിടിച്ചശേഷം മൂക്കിലൂടെ പരമാവധി ശ്വാസം ഉള്ളിലേക്ക് വലിക്കുക. വായിലൂടെ സാവധാനം പുറത്തേക്ക് വിടുക. ഉള്ളിലേക്കെടുത്ത വേഗത്തിന്റെ ഇരട്ടി സമയമെടുത്ത് ശ്വാസം പുറത്തേക്ക് വിടുക . ഈ വ്യായാമത്തിലൂടെ ഓക്സിജന്റെ അളവ് വര്‍ധിപ്പിക്കുവാനും വർധിച്ച ശ്വാസോച്വാസ നിരക്ക് കുറയ്ക്കുവാനും സാധിക്കും.
രണ്ടമത്തേത് ഡയഫ്രമാറ്റിക് ബെല്ലി മെത്തേഡ് . ഒരു കസേരയില്‍ നേരെ ഇരിക്കുക . ഇരുകൈകളും ഇടുപ്പിന്റെ ഇരുവശങ്ങളിലായി ചേർത്ത് വയ്ക്കുക . ശ്വസനയിന്ത്രണത്തിലേതുപോലെ മൂക്കിലൂടെ ശ്വാസം വലിക്കുക, വിടുക . ഇടുപ്പിൽ വെച്ചിരിക്കുന്ന കൈകള്‍ ശ്വാസം എടുക്കുമ്പോൾ പുറത്തേക്കും ശ്വാസം വിടുമ്പോള്‍ അകത്തേക്കും വലിയുന്നത് ശ്രദ്ധിക്കുക. ശ്വസനനിയന്ത്രണത്തിലേതുപോലെ തന്നെ പലപ്രവാശ്യം ശ്വാസം എടുക്കുകയും പുറത്തേക്ക് വിടുകയും ചെയ്യുക.
പതിനാലുദിവസം രാവിലെയും രാത്രിയും അഞ്ചു പ്രാവശ്യം ഈ പറഞ്ഞ ശ്വസന വ്യായാമങ്ങൾ ചെയ്തു നോക്കിയാൽ നിങ്ങളുടെ ശ്വാസകോശത്തിന്റെ ശേഷി വർധിച്ചതായി അനുഭവപ്പെടും എന്നാണ് ഡോക്ടർ സ്വന്തം അനുഭവത്തിൽ നിന്ന് പറയുന്നത് . എന്നാൽ ചില രോഗങ്ങൾ ഉള്ളവർ ഇത് ചെയ്യരുതെന്നും മുന്നറിയിപ്പ് നൽകുന്നു .ശ്വാസകോശ സംബന്ധമായ അസുഖങ്ങളുള്ളവരാണെങ്കില്‍ ശ്വസന വ്യായാമങ്ങളെ കൂടുതല്‍ ഗൗരവത്തോടെ സമീപിക്കണം.
ഡോക്ടർ പറയുന്ന ശ്വസനവ്യായാമങ്ങൾ ഇങ്ങനെRead Also മാസ്ക് വച്ച് വ്യായാമം ചെയ്ത വ്യക്തി മരിച്ചെന്ന് കേട്ടല്ലോ?
Read Also പാമ്പുകടിയേറ്റാൽ എന്ത് ചെയ്യണം?
Read Also യോഗയെ സ്നേഹിച്ച ക്രിസ്തുവിന്റെ മണവാട്ടി
Read Also നടുവേദന അകറ്റാൻ ഇതാ ചില ലളിത വ്യായാമങ്ങൾ
Read Also ഫാറ്റി ലിവറിനു മരുന്നുകൾ ഇല്ലാതെ പരിഹാരം ഉണ്ട് .
Read Also ഉപ്പൂറ്റിവേദന മാറ്റാൻ 15 മാർഗങ്ങൾ; അലോപ്പതിയിലും ആയുർവേദത്തിലും.
Read Also രക്തസമ്മർദ്ദം കുറയ്ക്കാൻ ഫലപ്രദമായ ഭക്ഷണക്രമം
Read Also കുടലിലെ കാന്‍സര്‍: ലക്ഷണങ്ങളും ചികിത്സയും
Read Also ഡോ.സതീഷ് വാര്യരും അമ്മ ഗീതയും പകർന്നു തന്നത് വലിയ…
About The Author
