ഭർത്താവ് ഭാര്യക്ക് കൊടുക്കേണ്ട ചില സ്നേഹങ്ങളൊക്കെയുണ്ട്. ഇടയ്ക്കിടെ അപ്പനെപ്പോലെ വഴക്ക് പറയണം. തിരുത്തണം. അപ്പനെപ്പോലെ എല്ലാം കരുതിക്കൊടുക്കണം. ആങ്ങളെയെപ്പോലെ അവളെ സംരക്ഷിക്കണം. കാമുകനെപ്പോലെ അവളെ സന്തോഷിപ്പിക്കണം . ഭർത്താവിനെപ്പോലെ ദേഹം മാന്യമായിട്ട് പങ്കുവയ്ക്കണം. ഒരു മകനെപ്പോലെ അവളോടൊപ്പം വെറുതെ കിടന്നു വിളയണം.
അതുപോലെ ഒരു ഭാര്യയും ചിലതൊക്കെ ചെയ്യണം. അമ്മയെപ്പോലെ എല്ലാം ഒരുക്കണം. ഭർത്താവിനൊരു തെറ്റ് പറ്റിയാൽ തിരുത്തിക്കണം. ഭർത്താവിന് കരുതൽ കൊടുക്കണം. ഒരു പെങ്ങളെപ്പോലെ ഭർത്താവിനെ ഓർത്ത് അഭിമാനിക്കണം. ഒരു കാമുകിയെപ്പോലെ ഭർത്താവിനെ സന്തോഷിപ്പിക്കണം. ഒരു ഭാര്യയെപ്പോലെ മടികൂടാതെ ആരോഗ്യം ഉള്ളിടത്തോളം കാലം ശരീരം പങ്കുവയ്ക്കണം. ഒരു മോളെപ്പോലെ കളി തമാശകൾ നടത്തണം .
Also Read വിവാഹമോചനമില്ലാത്ത ലോകത്തിലെ ഏക നഗരം ഇതാണ്. കാരണം അറിയാമോ?
പ്രായമാകുമ്പോൾ ചില സ്ത്രീകൾ പറയും നമുക്ക് ഇനികളി തമാശകളൊന്നും വേണ്ട, വയസ് അറുപതായില്ലേ എന്ന്. അതൊക്കെയാണ് വിവരം കെട്ട ദാമ്പത്യം എന്ന് പറയുന്നത്. അതുപോലെ ചില ഭർത്താക്കന്മാരുണ്ട്. പകൽ മുഴുവൻ പൂരപ്പാട്ട് . രാത്രി മുഴുവൻ പുന്നാരിപ്പ്. അവൻ കെട്ടിയവനാണ് എന്നത് ശരി. പക്ഷെ ഒരു ഭർത്താവ് ആയിട്ടില്ല അവൻ.
പകൽ മുഴുവൻ ഭാര്യയുടെ വീട്ടുകാരെ കുറ്റം പറച്ചിലാണ്. നിന്റെ അപ്പൻ ഓക്കൻ. നിന്റെ ആങ്ങള വട്ടൻ . നിന്റെ അനിയത്തി ഭ്രാന്തി. കുടുംബം മൊത്തം ഊളന്മാര്. ഇങ്ങനെ പറഞ്ഞുകൊണ്ടേയിരിക്കും. രാത്രി പത്തരയാകുമ്പോൾ പൊന്നെ തേനേ പാലെ മോളേ കൂടെ കിടക്കാൻ വാന്ന് വിളിക്കും. അങ്ങനെയുള്ള ശാരീരിക ബന്ധം കൊണ്ടൊന്നും ഒരു സ്ത്രീക്കും സന്തോഷമോ സംതൃപ്തിയോ കിട്ടില്ല. അത് ഭർത്താക്കന്മാർ മനസിലാക്കണം. സ്നേഹത്തിൽ നിന്ന് ഉരുത്തിരിയുന്ന ശാരീരിക ബന്ധം കൊണ്ടേ സ്ത്രീയെ സന്തോഷിപ്പിക്കാൻ കഴിയൂ.
Also Read ചില വീടുകൾ ബ്യൂട്ടി പാർലറുകളാണ് !
ബ്ലൂഫിലിം കാണാൻ നിർബന്ധിക്കുന്നതും, ഭാര്യയ്ക്ക് അറപ്പുളവാക്കുന്ന വിധത്തിൽ ലൈംഗികവേഴ്ച്ചയ്ക്ക് നിർബന്ധിക്കുന്നതുമൊന്നും മാന്യതയുള്ള ഒരു ഭർത്താവിന് ചേർന്നതല്ല. ലൈംഗിക ബന്ധത്തിന് ഭർത്താവിന്റെ ഇഷ്ടം മാത്രം നോക്കിയാൽ പോരാ, ഭാര്യയുടെ ഇഷ്ടം കൂടി നോക്കണം. എങ്കിലേ ആ ഭാര്യക്ക് ഭർത്താവിനോട് സ്നേഹവും ബഹുമാനവുമൊക്കെ തോന്നുകയുള്ളൂ.
ഇനി ഒരു ഭാര്യയാണെങ്കിലോ? ഭർത്താവിന് ആഗ്രഹമുള്ളപ്പോഴൊക്കെ ശരീരം പങ്കുവയ്ക്കാൻ മനസ് കാണിക്കണം. അതിനു പ്രായമൊരു തടസ്സമാകരുത്. ചില സ്ത്രീകൾ എന്നോട് പറഞ്ഞിട്ടുണ്ട് , എന്റെ അച്ചാ എനിക്ക് പ്രായം 60 വയസ് . കെട്ടിയവന് 62 . ഓ എന്റെ അച്ചാ 62 വയസായിട്ടും ആ മനുഷ്യന് ഇപ്പോഴും ഒരു മണാ കുണാ കുണാ മണാ ഏർപ്പാടാ അച്ചാന്ന് . സ്ത്രീകളുടെ ഓർമ്മ പത്തോ അറുപതോ വയസു കഴിഞ്ഞാൽ പിന്നെ ശാരീരികബന്ധങ്ങൾ പാടില്ലെന്നാണ്. സ്ത്രീകൾ ഒരുകാര്യം ഓർത്തുകൊള്ളണം . ആണുങ്ങളെ സംബന്ധിച്ചിടത്തോളം ലൈംഗിക വികാരം എത്ര വയസുവരെ ഉണ്ടെന്നു ചോദിച്ചാൽ ഞാൻ പറയുന്നതാണ് കണക്ക്. മരിച്ചുകഴിഞ്ഞു അഞ്ചു മിനിട്ടുകൂടി കാണും . ഇത് ഭാര്യമാർ മനസിലാക്കിയില്ലെങ്കിൽ കുടുംബം തകരും .
Also Read ” വീട് ചോർന്നൊലിച്ചിട്ടു ടാർപായ വലിച്ചുകെട്ടിയാണ് ഞങ്ങൾ കഴിഞ്ഞിരുന്നത്
ചില സ്ത്രീകളുണ്ട് . അവർക്ക് തിങ്കളാഴ്ച സകല പുണ്യാളന്മാരുടെ ദിവസം. ചൊവ്വാഴ്ച അന്തോണീസ് പുണ്യാളന്റെ ദിവസം. ബുധൻ യൗസേപ്പ് പിതാവിന്റെ ദിവസം . വ്യാഴാഴ്‌ച കാവൽ മാലാഖാമാർക്കുള്ള ദിവസം. വെള്ളിയാഴ്ച ചീത്ത ദിവസം. ശനിയാഴ്ച കന്യാമറിയത്തിന്റെ ദിവസം. ഞായറാഴ്ച അവധിദിവസം. പിന്നെ ഭർത്താവിനുള്ള ദിവസം ഏതാണ്? സ്ത്രീകൾ അങ്ങനെ തുടങ്ങുമ്പോഴാണ് ഭർത്താക്കന്മാർ ദിവസം നോക്കാത്ത പെണ്ണുങ്ങളെ തേടി പോകുന്നത് . അത് ഭാര്യമാർ ഓർത്തുകൊള്ളണം.
കാപ്പിപ്പൊടിയച്ചൻ എന്ന അപരനാമത്തിൽ അറിയപ്പെടുന്ന ഫാ ജോസഫ് പുത്തൻപുരക്കലിന്റെ നർമ്മ പ്രഭാഷണം കേൾക്കുക . വീഡിയോ കാണുക .
Also Read ”ഇന്ന് ടീച്ചറിന് എന്റെ അമ്മയുടെ മണമാണ് !”
Also Read വീര്യവും ശൗര്യവും പോയാൽ പിന്നെ ശാരീരികബന്ധം പോലും യാന്ത്രികമായിരിക്കും
Also Read നൂറിന്റെ നിറവിൽ നന്മകളുടെ ചിരിതൂകി പാലായിലെ ഭാസ്കരൻ കർത്താ
About The Author
