” പല സ്‌ത്രീകള്‍ക്കും സ്‌നേഹം കിട്ടുന്നില്ല. അല്ലെങ്കില്‍ സ്‌നേഹം തിരിച്ചറിയപ്പെടുന്നില്ല. എന്റെ ഒരു ബന്ധു എന്നും എന്നോട്‌ പരാതി പറയും. അവളുടെ ഭര്‍ത്താവിന്‌ ഒരസുഖം വന്നതിന്‌ ശേഷം അവളോട്‌ ദേഷ്യമാണ്‌ എന്ന് . അടുക്കളയില്‍ കിടന്നു കഷ്‌ടപ്പെടുമ്പോള്‍ ‘നീ എവിടെപ്പോയി കിടക്കുകയാണെന്ന്‌’ ദേഷ്യപ്പെടുമെന്ന്‌. ഞാന്‍ പറഞ്ഞു ചോദിക്കാമെന്ന്‌.
ഞാനൊരു ദിവസം അളിയനോട്‌ കാര്യങ്ങളന്വേഷിച്ചപ്പോള്‍ പുള്ളി എന്നോട്‌ പറ യുകയാണ് . “എന്താണെന്നറിയില്ല അസുഖം വന്നശേഷം ഒന്നും അത്രക്കങ്ങ്‌ സഹിക്കാന്‍ പറ്റുന്നില്ല. പക്ഷെ ഞാന്‍ വഴക്ക് പറഞ്ഞാലും എന്ത്‌ സ്‌നേഹത്തോടെയാണ്‌ എന്റെ ഭാര്യ എന്നെ നോക്കുന്നതെന്നോ.”.
ഞാനവളെ നോക്കി. അവളുടെ കണ്ണ്‌ നിറയുന്നു. പിന്നീടവള്‍ പറഞ്ഞു: “ഒരിക്കലെങ്കിലും അത്രയും സ്‌നേഹത്തോടെ എന്നോട്‌ പറഞ്ഞിരുന്നെങ്കില്‍ എനിക്ക്‌ വിഷമം വരില്ലായിരുന്നു.”
ഭാര്യക്ക് ഭർത്താവിന്റെ സ്‌നേഹപ്രകടനം കിട്ടണം. പക്ഷേ സ്‌ത്രീ എല്ലാം സഹിക്കേണ്ടവളാണെന്ന രീതിയിലാണ്‌ നമ്മള്‍ കാര്യങ്ങള്‍ കാണുന്നത്‌. വിദേശത്ത്‌ അങ്ങനെയല്ല. അവര്‍ ഭാര്യയെ അടുക്കളയിലും സഹായിക്കും. ഇവിടെ ചിലയിടത്തൊക്കെ ഈ മാറ്റം വന്നു തുടങ്ങിയിട്ടുണ്ട്‌.
ദാമ്പത്യത്തില്‍ സ്‌നേഹം പങ്കിടുന്നതില്‍ ഒരു മാറ്റം വേണം. ഉന്നതമായ പരസ്‌പരപങ്കിടലാണ്‌ ദാമ്പത്യം. പത്മനാഭസ്വാമി ക്ഷേത്രത്തിലെ എല്ലാ നിധിയും എല്ലാവരെയും തുറന്നു കാണിക്കുമോ? ഇല്ല. ചിലതൊക്കെ ജനങ്ങളില്‍ നിന്നു ഒളിച്ചു വയ്‌ക്കും. അതുപോലെയാണ് സ്ത്രീയും .
എന്നാല്‍ ഭര്‍ത്താവിന്റെ മുന്നില്‍ ഭാര്യ ഒരു മറയുമില്ലാതെ എല്ലാ നിധിയും തുറന്നു കാണിക്കാന്‍ മടികാണിക്കരുത് . തിരിച്ച്‌ ഭര്‍ത്താക്കന്മാരും അങ്ങനെയായിരിക്കണം. മറിച്ചു എല്ലാം എല്ലാവരേയും തുറന്നു കാണിച്ചാല്‍ കാര്യം മാറി. അവള്‍ വേശ്യയായി. പക്ഷേ ഇന്നു പലപ്പോഴും ദാമ്പത്യമെന്നത്‌ ലൈംഗികബന്ധം മാത്രമായി മാറുന്നു. അവിടെയാണ്‌ പ്രശ്‌നം!
സ്‌നേഹം പ്രകടിപ്പിക്കാതെ വരുന്നു. സ്‌നേഹം പ്രകടിപ്പിക്കണമെന്ന്‌ ആഗ്രഹിക്കുന്നവര്‍ക്കും തടസമാണ്‌. ഉദാഹരണത്തിന്‌ ഞാന്‍ ഒരു പെണ്ണിനെ പ്രേമിച്ചാല്‍ അവള്‍ക്കൊപ്പം ഇരുന്നു സംസാരിക്കണമെന്ന്‌ ആഗ്രഹിക്കും. പക്ഷേ അതറിഞ്ഞാല്‍ അമ്മ പിണങ്ങും. അതുകൊണ്ടു അവളേയും കൊണ്ട് മുളഞ്ചോട്ടില്‍ പോയിരിക്കും. അവര്‍ക്ക്‌ വീട്ടില്‍ വന്നിരുന്നു സംസാരിക്കേണ്ടതേയുള്ളൂ. പക്ഷേ നടക്കില്ല. ഇതിനു കാരണം ആണിനും പെണ്ണിനുമിടയില്‍ സൗഹൃദം കാണാന്‍ കഴിയുന്നില്ല എന്നതുതന്നെ. കാണുന്നത്‌ ലൈംഗികത മാത്രം. കേരളീയരുടെ മാത്രം പ്രശ്‌നമാണിത്‌.
ഒരിക്കല്‍ ഇംഗ്ലണ്ടില്‍ ചെന്നപ്പോള്‍ ഒരു മദാമ്മ എന്നോട്‌ പറയുകയാണ്‌ ഇന്ത്യയില്‍ നിന്നുള്ള ആണ്‍കുട്ടികള്‍ക്കൊപ്പം മകള്‍ സൗഹൃദത്തില്‍പ്പെടുന്നത്‌ പോലും പേടിയാണെന്ന്‌. കാരണം മകള്‍ അടുത്തിടപഴകുമ്പോള്‍ പയ്യന്മാര്‍ മോശമായ രീതിയിലാണ്‌ അതിനെ കാണുന്നതത്രേ .
(മാർ ക്രിസോസ്റ്റം വലിയ തിരുമേനി ഒരിക്കൽ ഒരു അഭിമുഖത്തിൽ പറഞ്ഞത് )
Also Read ചിരിയുടെ വലിയ തമ്പുരാൻ വിട പറഞ്ഞു. ക്രിസോസ്റ്റം മെത്രാപ്പോലീത്തയ്ക്ക് കണ്ണീരിൽ കുതിർന്ന യാത്രാമൊഴി
Also Read വേലക്കാരി വെള്ളം കൊണ്ട് പോകുമ്പോൾ പുള്ളിക്കാരൻ എത്തിപ്പിടിച്ചൊരു നോട്ടമാണ്
Also Read കല്യാണം കഴിഞ്ഞു ഒരുവർഷത്തിനുള്ളിൽ ദമ്പതികൾ അറിഞ്ഞിരിക്കേണ്ട ചില സംഗതികളുണ്ട്.
Also Read കരുണ കാണിക്കേണ്ട ഭർത്താവ് ഭാര്യയോട് കരുണ കാണിച്ചില്ലെങ്കിൽ അയൽപക്കത്തെ അങ്കിൾ കരുണ കാണിച്ചു തുടങ്ങും
Also Read പ്രസവവേദന എന്ന സഹനം കഴിഞ്ഞാലേ ചിരിക്കുന്ന ഒരു കുഞ്ഞിനെ നമ്മുടെ കയ്യിലേക്ക് കിട്ടുകയുള്ളു!
Also Read വീട് ഒരു ദേവാലയം. ദമ്പതികളുടെ കിടപ്പുമുറി മദ്ബഹ. കട്ടിൽ ബലിപീഠം. ശാരീരിക സമർപ്പണം ബലിയർപ്പണം
Also Read ആദ്യരാത്രിയിൽ നവവധു കൊടുത്ത സമ്മാനം കണ്ട് ഞെട്ടിതരിച്ചു നവവരൻ
About The Author
