തിരുവനന്തപുരം: ഓണത്തോടനുബന്ധിച്ച് സർക്കാർ ജീവനക്കാർക്കും അധ്യാപകർക്കും ബോണസും ഉത്സവബത്തയും അഡ്വാൻസും അനുവദിച്ചു. 27,360 രൂപവരെ ശമ്പളമുള്ളവർക്ക് 4000 രൂപ ബോണസ് ലഭിക്കും. ഇതിന് മുകളിൽ ശമ്പളമുള്ളവർക്ക് 2750 രൂപ ഉത്സവബത്ത. പാര്‍ട്ട്‌ടൈം കണ്ടിന്‍ജന്റ്‌, കരാര്‍, ദിവസ വേതനക്കാര്‍, സര്‍ക്കാര്‍ വകുപ്പുകള്‍ക്ക്‌ പുറത്ത്‌ നിയമിക്കപ്പെട്ടവര്‍ തുടങ്ങി എല്ലാ വിഭാഗങ്ങള്‍ക്കും 1200 രൂപ മുതല്‍ മുകളിലോട്ട്‌ ഉത്സവ ബത്ത ലഭിക്കും. പെൻഷൻകാർക്ക് 1000 രൂപ ഉത്സവബത്ത .
ഓണം അഡ്വാൻസായി സ്ഥിരം ജീവനക്കാർക്കു 15,000 രൂപ ലഭിക്കും. പാർട്ട് ടൈം ജീവനക്കാർ, കരാർ, ദിവസ വേതനക്കാർ എന്നിവർക്ക് 5000 രൂപയും അഡ്വാൻസ് ലഭിക്കും . ഓഗസ്റ്റിലെ ശമ്പളവും സെപ്റ്റംബറിലെ പെൻഷനും മുൻകൂറായി നൽകുമെന്നും സർക്കാർ വ്യക്തമാക്കി. ഈ മാസം 24, 25, 26 തീയതികളിൽ ഇവ വിതരണം ചെയ്യും.
Read Also ഓരോ കോപ്പിയടി കേസും ഇപ്പോൾ ഉറക്കം കെടുത്തുന്നത് അദ്ധ്യാപകരെയാണ്
കഴിഞ്ഞ വര്‍ഷത്തെ നിരക്കിലുള്ള ബോണസും ഉത്സവബത്തയും അഡ്വാന്‍സുമാണ് സര്‍ക്കാര്‍ ഇത്തവണയും നല്‍കുന്നത്. കൊവിഡ് മൂലമുള്ള സാമ്പത്തിക ബുദ്ധിമുട്ടിലും മുന്‍വര്‍ഷത്തെ ആനുകൂല്യങ്ങളില്‍ കുറവ്‌ വരുത്തിയില്ല എന്നത് ശ്രദ്ധേയമാണ് .
About The Author
